CINEMA
ടീസര്‍ സൂപ്പര്‍ഹിറ്റ് : ദുല്‍ഖര്‍ സല്‍മാന്‍-വെങ്കി അറ്റ്ലൂരി ചിത്രം 'ലക്കി ഭാസ്‌കര്‍'
|
ശബരി. | 13.Apr.2024 |
ലക്കി ഭാസ്‌കര്‍'ന്റെ ടീസര്‍ യുട്യൂബ് ട്രെന്‍ഡിങ്ങില്‍ മുന്നില്‍. 2.5 മില്യണില്‍ ഏറെ കാഴ്ചക്കാര്‍ ഈ ടീസര്‍ കണ്ടു.
ദുല്‍ഖര്‍ സല്‍മാനെ നായകനാക്കി വെങ്കി അറ്റ്ലൂരി തിരക്കഥയെഴുതി സംവിധാനം ചെയ്യുന്ന 'ലക്കി ഭാസ്‌കര്‍'ന്റെ ടീസര്‍ യുട്യൂബ് ട്രെന്‍ഡിങ്ങില്‍ മുന്നില്‍.
2.5 മില്യണില്‍ ഏറെ കാഴ്ചക്കാര്‍ ഈ ടീസര്‍ കണ്ടു.
തെലുങ്ക്, തമിഴ്, മലയാളം, ഹിന്ദി എന്നീ 4 ഭാഷകളിലായ് ഒരുങ്ങുന്ന ഈ പാന്‍ ഇന്ത്യന്‍ ചിത്രം ഫോര്‍ച്യൂണ്‍ ഫോര്‍ സിനിമാസിന്റെ ബാനറില്‍ സായ് സൗജന്യയും സിത്താര എന്റര്‍ടെയ്ന്‍മെന്‍സിന്റെ ബാനറില്‍ സൂര്യദേവര നാഗ വംശിയും ചേര്‍ന്നാണ് നിര്‍മ്മിക്കുന്നത്.
ശ്രീകര സ്റ്റുഡിയോസാണ് ചിത്രം അവതരിപ്പിക്കുന്നത്.
മഗധ ബാങ്കില്‍ ജോലി ചെയ്യുന്ന ബാങ്ക് കാഷ്യറുടെ വേഷത്തിലാണ് 'ലക്കി ഭാസ്‌കര്‍'ല്‍ ദുല്‍ഖര്‍ പ്രത്യക്ഷപ്പെടുന്നത്.
90-കളിലെ ബോംബെയിലെ സാമ്പത്തിക പ്രതിസന്ധിയുടെ സമയത്ത്, ഒരു കാഷ്യറുടെ ജീവിതം കടന്നുപോവുന്ന സാഹചര്യങ്ങളാണ് ചിത്രത്തില്‍ ദൃശ്യാവിഷ്‌ക്കരിക്കുന്നത്.
മീനാക്ഷി ചൗധരിയാണ് നായിക. സുമതി എന്ന കഥാപാത്രത്തെയാണ് മീനാക്ഷി അവതരിപ്പിക്കുന്നത്.
ദേശീയ അവാര്‍ഡ് ജേതാവായ സംഗീത സംവിധായകന്‍ ജി വി പ്രകാശ് കുമാറാണ് ചിത്രത്തിന് സംഗീതം പകരുന്നത്.
ഛായാഗ്രഹണം: നിമിഷ് രവി,
ചിത്രസംയോജനം: നവിന്‍ നൂലി, പ്രൊഡക്ഷന്‍ ഡിസൈനര്‍: ബംഗ്ലാന്‍
ശബരി.
Last Update: 12/04/2024
MORE IN NEWS
