ഇന്ത്യന്‍ സിനിമ ഇന്‍ഡസ്ട്രിയിലെ തന്നെ ഏറ്റവും മുന്‍പന്തിയില്‍ നില്‍ക്കുന്ന പ്രൊഡക്ഷന്‍ ഹൗസായ മൈത്രി മൂവി മേക്കേഴ്സ് അജിത് കുമാറുമായി ഒരുമിക്കുന്നു. ആദിക് രവിചന്ദ്രന്‍ തിരക്കഥ എഴുതി സംവിധാനം ചെയ്യുന്ന ചിത്രത്തിന്റെ ടൈറ്റില്‍ 'ഗുഡ് ബാഡ് അഗ്ലി'. റോക്സ്റ്റാര്‍ ദേവി ശ്രീ പ്രസാദ് ചിത്രത്തിന്റെ മ്യുസിക്ക് കൈകാര്യം ചെയ്യുന്നു.

നിര്‍മാതാവ് നവീന്‍ ഏര്‍നെനിയുടെ വാക്കുകള്‍ ഇങ്ങനെ 'അജിത് കുമാര്‍ സാറുമായി ഒരുമിക്കുന്നതില്‍ അഭിമാനം. സംവിധായകന്‍ ആദിക് രവിചന്ദ്രന്റെ തിരക്കഥയും നറേഷനും അത്രമേല്‍ ഗംഭീരമായിരുന്നു. ഇത്രയും മനോഹരമായ സിനിമ ആരാധകരും സിനിമ സ്‌നേഹികള്‍ക്കും ഒരുക്കുന്നതില്‍ ഞങ്ങള്‍ സന്തോഷത്തിലാണ്.'

മറ്റൊരു നിര്‍മാതാവ് വൈ രവി ശങ്കറിന്റെ വാക്കുകള്‍ ഇങ്ങനെ 'അജിത് കുമാര്‍ സാറുമായി വര്‍ക്ക് ചെയ്യുന്നതില്‍ സന്തോഷം.  തന്റെ മുന്‍ ചിത്രങ്ങളില്‍ നിന്നെല്ലാം ആദിക് രവിചന്ദ്രന്‍ എന്ന സംവിധായകന്റെ കലവിരുത് പ്രകടമായിരുന്നു. ഈ ചിത്രം അദേഹത്തെ മറ്റൊരു തലത്തിലേക്ക് കൊണ്ടെത്തിക്കും.'

സംവിധായകന്‍ ആദിക് രവിചന്ദ്രന്റെ വാക്കുകള്‍ ഇങ്ങനെ ' എല്ലാവരുടെ ജീവിതത്തിലും കരിയറിലും മറക്കാന്‍ കഴിയാത്ത ചില മുഹൂര്‍ത്തങ്ങളുണ്ടാകും. എന്നെ സംബന്ധിച്ചാണ് ഇതാണ് ആ സമയം. അജിത് കുമാര്‍ സാറുമായി വര്‍ക്ക് ചെയ്യുന്നത് എന്റെ ഒരുപാട് വര്‍ഷത്തെ സ്വപ്നമാണ്. നവീന്‍ ഏര്‍നെനി സാറിനും വൈ രവി ശങ്കര്‍ സാറിനും അങ്ങനെയൊരു സാഹചര്യം ഒരുക്കിത്തന്നതില്‍ ഒരുപാട് നന്ദി.'

ചിത്രത്തില്‍ അത്രമേല്‍ വര്‍ഷങ്ങളുടെ പരിചയ സമ്പത്തുള്ളവരാണ് പ്രവര്‍ത്തിക്കുന്നത്. ഇന്ത്യന്‍ സിനിമയിലെ തന്നെ ഏറ്റവും വലിയ പ്രോജക്ടുകളില്‍ ഒന്നായി ഈ ചിത്രം മാറുന്നു. ജൂണ്‍ 2024ല്‍ ചിത്രത്തിന്റെ ഷൂട്ടിങ്ങ് ആരംഭിക്കും. 2025 പൊങ്കല്‍ റിലീസിനാണ് ചിത്രം തയ്യാറെടുക്കുന്നത്. എഡിറ്റര്‍ - വിജയ് വേലുകുട്ടി, സ്റ്റണ്ട് - സുപ്രീം സുന്ദര്‍ , ചീഫ് എക്‌സിക്യൂട്ടീവ് പ്രൊഡ്യുസര്‍ - ദിനേശ് നരസിംഹന്‍, പി ആര്‍ ഒ - ശബരി