പുരാതന ഇതിഹാസം ആധുനിക അത്ഭുതങ്ങളെ കണ്ടുമുട്ടുന്ന ആവേശകരമായ ഒരു യാത്രയിലേക്ക് പ്രേക്ഷകരെ കൂട്ടിക്കൊണ്ടുപോവാന്‍ തയ്യാറെടുക്കുകയാണ് പൂജാ എന്റര്‍ടൈന്‍മെന്റ്. മിഥ്യയും യാഥാര്‍ത്ഥ്യവും തമ്മിലുള്ള അതിര്‍വരമ്പുകളെ മങ്ങിക്കുന്ന 'അശ്വത്ഥാമ ദി സാഗ കണ്ടിന്യൂസ്' എന്ന ചിത്രത്തില്‍ യോദ്ധാവായ 'അശ്വത്ഥാമ'യായ് ഷാഹിദ് കപൂറാണ് വേഷമിടുന്നത്. ഹിന്ദി, തമിഴ്, തെലുങ്ക്, മലയാളം, കന്നഡ എന്നീ 5 ഭാഷകളിലായ് ഒരുങ്ങുന്ന ഈ പാന്‍ ഇന്ത്യന്‍ ചിത്രം സച്ചിന്‍ രവി സംവിധാനം ചെയ്യുന്നു. പൂജാ എന്റര്‍ടൈന്‍മെന്റ്‌ന്റെ ബാനറില്‍ വാഷു ഭഗ്‌നാനി, ജാക്കി ഭഗ്‌നാനി, ദീപ്ഷിക ദേശ്മുഖ് എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.

മഹാഭാരതത്തിലെ അനശ്വര യോദ്ധാവായ അശ്വത്ഥാമാവിന്റെ ഇതിഹാസത്തിലൂടെ കടന്നുപോകുന്ന ഈ ചിത്രം ദ്രുതഗതിയിലുള്ള സാങ്കേതിക മുന്നേറ്റങ്ങളും മാനവികതയുടെ കഴിവുകളും അടയാളപ്പെടുത്തുന്ന വര്‍ത്തമാന കാലഘട്ടത്തില്‍ ആധുനികതയുടെ വെല്ലുവിളികളെയും ശക്തരായ എതിരാളികളെയും അഭിമുഖീകരിക്കുന്ന അശ്വത്ഥാമാവിനെയാണ് പ്രേക്ഷകര്‍ക്ക് മുന്നില്‍ അവതരിപ്പിക്കുന്നത്. 

'ഞങ്ങള്‍ ഏറ്റെടുക്കുന്ന ഓരോ പ്രോജക്റ്റും വിനോദം മാത്രമല്ല, പ്രേക്ഷകരില്‍ ആഴത്തില്‍ പതിക്കുന്ന ഒരു അനുഭവം സൃഷ്ടിക്കുന്നതാണ്. അവരുടെ ഹൃദയത്തിലും മനസ്സിലും ശാശ്വതമായ സ്വാധീനം ചെലുത്തുന്നു. 'ബഡേ മിയാന്‍ ചോട്ടെ മിയാന്‍'ന് ശേഷം ഒരു അപ്രതീക്ഷിത സിനിമ ചെയ്യാന്‍ ഞാന്‍ ആഗ്രഹിച്ചു. അപ്പോഴാണ് ഇത് ഞങ്ങളുടെ വഴി വന്നത്. നമുക്കെല്ലാവര്‍ക്കും അറിയാവുന്ന ഒരു കഥയുടെ ആധുനിക കാലത്തെ കറക്കമാണിത്. ഇതിഹാസത്തിന്റെ വ്യാഖ്യാനം നേടിയെടുക്കാന്‍ കഴിഞ്ഞതില്‍ സന്തോഷമുണ്ട്.' നിര്‍മ്മാതാവ് ജാക്കി ഭഗ്നാനി പറഞ്ഞു. 

'അനശ്വരത എന്നത് എനിക്ക് ഒരുപാട് വികാരങ്ങളും നാടകീയമായ രംഗങ്ങളും ഉണര്‍ത്തുന്ന കൗതുകകരമായ സങ്കല്‍പ്പമാണ്. മഹാഭാരതത്തിലെ അശ്വത്ഥാമാവിന്റെ കഥയാണ് ഇന്നും ജീവിക്കുന്നതെന്ന് വിശ്വസിക്കപ്പെടുന്ന അമര്‍ത്യജീവിയാണ്. അവന്റെ ആഖ്യാനത്തിലൂടെ ഈ കഥക്ക് ജീവന്‍ നല്‍കുകയും, അവനെ ഇന്നത്തെ ടൈംലൈനില്‍ സ്ഥാപിക്കുകയും, ഒരു അനശ്വര ജീവിയുടെ സങ്കീര്‍ണ്ണമായ മാനസികാവസ്ഥയിലൂടെ സഞ്ചരിക്കുപ്പിക്കുകയും, ആയിരക്കണക്കിന് വര്‍ഷങ്ങളായ് താന്‍ കണ്ട ഒരു ലോകത്തെ അവന്‍ എങ്ങനെ കാണുന്നു എന്ന് അന്വേഷിക്കുകയും ചെയ്യുക എന്നതായിരുന്നു എന്റെ ലക്ഷ്യം. ഒരു ഇതിഹാസ-സ്‌കെയില്‍ ആക്ഷന്‍ സിനിമയുടെ മഹത്വത്തിനുള്ളില്‍ ഞാന്‍ അവന്റെ കഥ അവതരിപ്പിക്കാന്‍ ശ്രമിച്ചു.'സംവിധായകന്‍ സച്ചിന്‍ രവി പറഞ്ഞു.